Despois de ler Mentira se queredes na biblioteca temos os outros títulos da triloxía: Verdad e Miedo.
Ademais acaba de saír unha secuela da que vos deixamos este vídeo de adianto:
28.12.21
O MESTRE ROALD DAHL
Roald Dahl, de quen vimos de ler Charlie y la fábrica de chocolate, tivo unha vida emocionante chea de cambios e situacións difíciles que foi superando con entusiasmo e que lle serviron de inspiración para moitas das súas historias: viviu de neno nun internado onde era un traste; de novo foi explorador en Terranova e viviu nas sabanas africanas; na IIª Guerra Mundial foi piloto das forzas aliadas; case queda cego e rematou casado coa enfermeira que o coidou; tivo cinco fillos e un deles padeceu unha enfermidade moi grave (hidrocefalia) que o fixo concienciarse coa problemática destes doentes.
Ademais das súas coñecidas historias
para nenos escribiu contos de medo para adultos e incluso guións cinematográficos
(por exemplo do filme de James Bond, Só se vive dúas veces).
Moitas das súas obras foron levadas
á pantalla: Matilda, Charlie y la fábrica de chocolate, Iago e o pexego
xigante, As bruxas ou Fantastic Mr. Fox... e aínda que as historias
no cine son estupendas convidámosvos a lelas para crear os vosos propios personaxes
e universos. Estanvos agardando na biblioteca do centro. Non perdades esta oportunidade...
17.11.21
10 NEGRITOS: AMPLIANDO INFORMACIÓN
A
lectura do club de 2º ciclo, Diez negritos, cuxo título orixinal
era And Then There Were None (E non
quedou ningún), conta con múltiples formatos para achegarnos á
xenial historia creada por Agatha Christie.
En primeiro lugar, foi levada
múltiples veces ao medio cinematográfico. A primeira adaptación foi obra de
René Clair, en 1945, logrando un film bastante fiel á obra. Destaca
posteriormente unha versión de 1974 de Peter Collinson, inferior á primeira
pero contando coa voz de Orson Welles. Xa en 2015 estreouse na BBC One a miniserie And Then There Were None, de tres episodios, para conmemorar o 125º
aniversario do nacemento da autora.
Como
curiosidade apuntamos que existen ademais outros formatos máis lúdicos para
achegarnos a esta novela: ben como xogo de mesa (2014) ou mesmo como un
videoxogo para PC co nome "Agatha Christie: Y no quedó ninguno"
(publicado en febreiro de 2008).
11.11.21
TOLAS POLO MANGA
Incluímos a información que solicitastes na reunión do club de manga e que Sabela nos achegou:
Para poder ver anime na rede podemos usar:
·
https://m.animeflv.net.
Boa páxina, pero con publicidade.
·
https://tioanime.com.
Moi boa e pode accederse dende os ordenadores do centro.
·
https://animeflash.xyz.
Con poucos anuncios.
·
Netflix. Ademais de que hai que pagar
por usar a plataforma, as traducións non son moi boas e as dobraxes frouxas.
Punto a favor é que se garda o progreso e podemos cambiar de idioma sen
problema.
·
Cunchyroll. Plataforma especializada en
anime e con moi boa calidade.
Para poder ler mangas podemos empregar:
·
https://lectortmo.com.
Páxina sen anuncios á que se pode acceder dende os ordenadores do centro. Moi sinxela
de manexar e moi ben traducida.
·
Webtoon. Está ben e é de uso fácil.
·
Manga dogs. O peor son os anuncios...
4.11.21
SAILOR MOON
A nosa primeira aproximación ao mundo do manga chega grazas á colaboración de Sabela Carrondo Rodríguez, alumna de 3ºESO, que está disposta a guiarnos por este fascinante mundo do cómic xaponés.
A súa primeira proposta é Sailor Moon, escrita e debuxada por Naoko Takeuchi. Trátase dun clásico que, segundo nos comentaba Sabela, xa vía a súa nai na versión televisiva cando era nena.
Nós imos ler só a primeira entrega pero a saga conta con 18 títulos para que os que queiran seguir coa lectura.
Ademais, como xa comentamos, existe unha versión para televisión tanto en anime (que difire en parte do contido do manga) como en imaxe real (máis fiel ao texto orixinal).
Máis información sobre este manga podedes atopala na páxina de fandom ou ou mesmo na wikipedia.
27.10.21
A nosa primeira lectura co grupo de 1º ciclo foi Fóra do normal de María Reimóndez, novela gañadora da primeira edición do Premio Agustín Fernández Paz de narrativa infantil e xuvenil pola ingualdade.
É impresionante a cantidade de temas que puidemos tratar a partir desta obra: a identidade sexual, por suposto, pero tamén o suicidio, a violencia, a amizade, a... e mesmo a lingua.
A ensinanza fundamental desta obra é que temos que sentirnos ben tal como somos sen importarnos o que os demais pensen de nós: todos somos diferentes e todos somos especiais. E para intentar conseguir este obxectivo o mellor é rodearse de persoas que non teñan medo a ser quen son.
Se queredes escoitar unha entrevista a María Reimóndez para saber máis sobre como empezou a escribir e o que pensa da situación da literatura galega actual, entre outros temas, premede na seguinte imaxe:
5.10.21
PASA O TEMPO, PERO A LECTURA PERMANECE...
Acabo de comprobar que este blog leva parado dende o 2017 e creo que vai sendo hora de retomalo, catro anos despois.
O primeiro que temos que apuntar é que, neste curso 2021/2022, o club agora está formado por tres grupos:
- estreamos un grupo exclusivo de manga
- un grupo co alumnado de 1º ciclo
- outro grupo co alumnado de 2º ciclo
Subscribirse a:
Publicacións (Atom)